Dek
tahun 1930, ana pawongan kang tugase penilik sekolah asale tekan Malang, asmane
Mas Pinto. Iki wong Kristen wiwitan kang tekan Donomulyo. Biasane iku gawanane
rokok lan nganggo once terus biasa diundhang Pak Pinta Once. Sak bubare Mas
Pinto Once, tahun 1940 ugo kereken Bp. Prawiro Sudirdjo lan Ibu Bidan Sih
Wijanti, terus tahun 1949 ugo kerekan Bp. Budiarso dadi kepala sekolah SDN
Donomulyo I. Terus kasusul Bp. Setyo Josep kang dadi mantri kesehatan neng
Donomulyo iki. Wong-wong iki kang bisa diarani lantaran Gusti dadi Bibit unggul
ana ing Pasamuan Donomulyo iki.
Sak
bubare 4 brayat iku kasusul tekane brayate Bp. Supeno sabrayat, kang ugo ibu,
iku tugas bidan BKIA wiwit tahun 1950-an iku ana kira-kira 15 jiwa. Lan wiwit
iku ana kebaktian, kang kasebut kebaktian ideran, yaiku kebaktian ana ing
brayat-brayat gantian. Wong-wong iku asale tekan Malang, dadi hubungane ugo
karo Pasamuan Malang. Kebaktian tambah regeng naliko rawuhe Bp. Musa Tanaja
kang tugas dadi Kepala KRPH ana ing Donomulyo. Kebaktian tambah rutin malah
kausulake dadi pepanthan Pasamuan Malang (Talon).
Tahun
1955 kelompok Donomulyo diresmekake dadi pepanthan. Seng dadi ketua Bp. R. Musa
Tanajo. Penulise Bp. Supeno lan
Bendaharane Bp. Setyo Josep. Sawise setahun Bp. Setyo Josep dipindah menyang
Malang terus diganti karo Bp. Harjo Sutikno. Para pendhereke Gusti dadi
lantaran kang apik, buktine tanggal 26 Agustus 1956, ana baptisan wiwitan
cacahe 12 jiwa. Kebaktian ugo tambah regeng maneh. Malah-malah rawuhe Bp.
Suparman sak brayat sing cacahe ana 5 jiwa, tambah ramene lan akehe para
pendhereke Gusti ing Donomulyo iki. Katambahan uga rawuhe Bp. D.S. Daryono,
guru ing Tlogosari. Dadi cacahe ana 53 jiwo ing Donomulyo.
Wiwit
tahun 1962, mulai ana kebaktian Minggu lan panggonane ana ing omahe Ibu Harjo
Utama, kang resmekake Bp. Pdt. Suwignyo Dihardjo, Pandhita GKJW tekan Pasamuan
Malang. Lan wiwit April 1963 krana Bp. Setyo Josep wis rawuh maneh ing Donomulyo Ketua Pepanthan
dipasrahake panjenengane. Pancen saranane Gusti akeh tekan punggawa pemerintahan,
malahan rawuhe Bp. Camat Surahman, lan Dansek Sriono, Mantri Polisi Abas Aries
kang bareng-bareng tugas ana ing Donomulyo mulai tahun 1962-1968. Malah luwih
katon tambah banget cacahe warga. Nalika situasi G 30 S/PKI tahun 1965, krana
butuh slamete jiwa, akeh banget wong sing dibabtis kira-kira ana wong 250-an
kang baptis lan antarane ana 100 KK. Operasi Blitar Selatan klebu Malang
Selatan (1967 – 1968), akeh uga warga Kristen kang dadi korban terus kabuwang
ing Pulo Buru lan akeh uga sing ora bali, wong padha bingung. Wektu iku cacahe
warga kira-kira ana 315 jiwa ana ing Donomulyo. Iki isih mung ing Donomulyo,
durung ana ing panggonan liyane, Tempursari, Tlogosari, Sumbermanjing lan
liyan-liyane. Akeh warga iku ndadekake perlu ana majelis, kang dadi
majelis waktu iku lan dikepyakake ana ing Pasamuan Malang tgl. 14 Mei 1967
yaiku Bp. Dirdjo Siswoyo (Ketua), Bp. Hardjono ana ing Tempursari (Penulis) lan
Bp. Soegiarso (Bendahara) sarta Bp. Urbanus ana ing Sumbermanjing (Ketua
Kelompok). Majelis iki didampingi karo Guru Injil kang diangkat yaiku Bp. Musa
Tanojo nganti tahun 1968 (setahun). Terus diganti Bp. G.I. Samidi nganti 3
tahun.
Cacahe pendhereke Gusti tambah akeh nganti papan
pangibadah ana ing ibu Hardjo Oetomo ora cukup. Terus diparingi tanah hibah
ukuran 13x 56 meter saka panitia Lanforen Kecamatan. Seng sak iki dienggoni gedung gereja induk. Tanahe jodangan
lan cukup jero kiro-kiro 3 meter jerone. Kanthi gotong-royong wargane pasamuan,
jodangan iku diurug lan uga wiwit mulai mbangun
pondasi lan golek bahan-bahan bangunan, malahan bantuan saka Dansek Donomulyo
Bp. Sriono, bantuan Perhutani kanggo tuku kayu radha murah, lan uga
kreatifitase warga gedung greja kang mbangun kanthi otot pring kang disisiki
kanggo ngupoyo bangunan enggal dadi. Ketambahan rawuhe Vikar Sihardi tahun 1971 nambah semangate warga
mujudake bangunan. Wektu 5 tahun bangunan greja iku karampungake, wulan maret
1972 greja iku karesmekake karo Bp. Pdt. Suwignyo Diharjo, bareng karo iku
greja kaparingan tanah kanggo pakuburan ana ing tanah Mulyosari, tanah
pakuburan saiki. Lantarane Gusti kanthi rawuhe Bp. Vikar Sihardi greja wiwit katata mulai 23 November
1972 mulai kadewasaake kanthi wewengkone pepanthane Tempursari, Tlogosari,
Sumbermanjing kulon. Pepanthan Pagak
mulai dadi pepanthan kiro-kiro tahun 1976 kang mandegani Bp. Panduworo
lan Bp. Rukiyadi lan uga disusul kelompok Tlogorejo kang mandegani Bp. Sriono
wargo Tlogorejo kang suwe ana ing Malang. Uga wiwit 1 Oktober 2000 mulai ana
pangabekti ana ing kelompok Sumbergentong ana ing omahe Bp. Randi Suseno,
bareng karo iku ana hibah tanah 5x10 meter tekan Bp. Sariman lan anake
Sukrisgianto, katerusake 1 Oktober 2001 mulai mondasi kang miwiti Bp. Sucipto
Adi (Lurah ing Tempursari) lan Bp. Pdt. Sinung Mawanta. Wiwit iku kabangun
kanthi gotong-royong lan bantuan-bantuan saka pasamuan lan lembaga serta saka
pemerintah. Bangunan rampung tanggal 1 Oktober 2002. Gedung Greja karesmekake karo Bp. Bambang Suwidha (Camat
Donomulyo) lan Pdt. Sih Ageng. Wiwit iku Donomulyo dadi pasamuwan kan mandiri,
nanging pancen ora luput saka pasang surute kanyataan alam ndonya, masiho dadi
pasamuan kang mandiri isih ugi entok
subsidi bab dana wiwit tahun 1971 – 1993 saka Majelis Agung kanggo tambahan
jaminan Pendhita wektu iki. Wiwit tahun 1993 mulai ngupaya dadi pasamuan kan
mandiri.
0 Response to " "
Posting Komentar